Her er mitt land! Her vil eg bu!

torsdag 22.mai inviterte Landro skule til forestilling for foreldra. Den raude tråden denne gongen var grunnlovsjubileet. Etter at elevane hadde marsjert inn til tonane av «kong Harald V `s marsj», heldt programmet fram med glimt frå vår nære og fjerne fortid.

Her var det songinnslag frå ulike tider, trolldans, demonstrasjonstog for stemmerett for kvinner og 17.maitog . Her var innslag om vaksinasjonsprogrammet, samferdsle med rallarvise, kjende personar som Ibsen, Munch og Amundsen. Kong Håkons tale til folket frå London i 1940 vart avslutta med songen «Kringsatt av fienden og filmavis frå 1945. Vi hadde òg innslag om Torbjørn Egner.
Programmet vart bunde saman av 7.klasse sin dramatisering grunnlovsarbeidet på Eidsvoll . Vi vart teken tilbake til 1814 via ein app som nokre av elevane hasdde fått lasta ned på mobilen.

Eit rikt og variert program vart avslutta med «Ja vi elsker dette landet», og skal ein dømme etter reaksjonen til foreldra, vart det ein særs vellukka ettermiddag.

seniortreff 2014

Landro skule inviterer til seniortreff 0nsdag 04.juni kl.09.00 – 11.00.

Tema i år blir grunnlovsjubileet.

Påmelding til skulen innan 28.mai.

«Hold sammen» – broderkjeden 2014

Tysdag 20.mai deltok Landro skule i ei landsomfattande markering av Grunnlova sine 200 år. Med broderlenkja og eiden «Enig og tro til Dovre faller» synte eidsvollsmennene sitt sterke samhald.  I 2014 kan folk syna med ei broderlenkje at vi står saman for demokratiet i 200 nye år.

DSC_0699

Temakveld for foreldre og tilsette på Landro og Misje tysdag 8. april

FAU og skulen inviterer til temakveld for foreldre og tilsette tysdag 8. april kl. 18:00-19:30 i gymsalen på Landro. Marco Elsafadi held foredrag med temaet «Foreldre sin kraft og deltaking». Marco skal også møte elevane i 4.-7. kl på dagtid.

Elsafadi vart fødd som palestinsk flyktning i ein FN-leir i Libanon og flykta til Berlin berre tre månader gamal. Han har etablert stiftinga New Page som arbeider med vanskelegstilt ungdom på oppdrag frå barnevernet i Oslo, Bergen og Stavanger.

Les plakat for samlinga her.

Infomøte innskriving

På Landro skule vert det tysdag 11. mars  informasjonsmøte for føresette til dei som skal byrje i første klasse her til hausten. Alle vi har på listene våre har fått eiga innkalling. Hugs å ta med ferdigutfyllt innskrivingsskjema. Infomøtet vert på rommet Landrovågen kl. 18:00 (inngang frå parkeringsplassen). Vel møtt!

12 rette

Vi gratulerer 6. klasse som nådde fram til semifinalen og til slutt kom på tredje plass i kunnskapstevlinga 12 rette som gjekk føre seg på Sartor Storsenter torsdag 6/3 og direkte på Radio Sotra. Bilete av laget finn du på Facebooksida til Radio Sotra.

Lucia og grautfest

Tradisjonen tru markerte Landro skule Luciadagen med felles grautfest i gymsalen. 1.trinn hadde ansvar for Luciatog og song, og dei gjorde ein strålande innsats.

1. trinn laga  koseleg stemning med lys og song.

1. trinn laga koseleg stemning med lys og song.

Elevane på 7. trinn var ansvarlege for graut og servering. Dei stilte i nisseluer og tok jobben alvorleg. Dei var flinke servitørar og passa på at alle hadde det dei trong. Dette er ei koseleg førjulssamling og ein tradisjon som store og små set stor pris på.

Snart juleferie

Det nærmar seg juleferie og her er litt info om den siste skuleveka: Leksehjelp går ut både tysdag 17/12 og torsdag 19/12. 7. klasse er i Hålandsdalen på leirskule i veke 51. Siste skuledag er fredag 20/12. Elevane sluttar 11:00 (avspasering for kveldsarrangement til våren). Sfo har ope frå 11:00 og bussar vert ordna.

Første skuledag etter juleferien er fredag 3. januar.

 

Trollkrittet

Trollkrittet av Zinken Hopp kom ut første gong i 1948 og begeistrar framleis born i alle aldre. Boka er omsett til 20 språk og gjorde bergensforfattaren Zinken Hopp internasjonalt kjend for sin fantasileik. Tysdag fekk Landro skule besøk av skodespelar og forfattar Adele Lærum Duus og illustratør Gunvor Rasmussen. Dei laga saman med elevar frå Landro og Misje skule ei morosam og tøysete forteljing om Jon som finn eit magisk trollkritt. Krittet er slik at alt Jon teiknar vert levande. Jon og hans teikna ven Sofus reiser inn i ei eventyrverd der ingenting er umogleg og alt står på hovudet.

Det er ikkje ofte borna får vera med og bestemme korleis ei førestelling skal sjå ut på scenen, eller delta sjølve; men det får dei høve til her. Gjennom forteljing,teikning, leik og improvisasjon veks historia om Jon og Sofus fram i ulike variantar kvar gong, og dette er kjekt for både store og små.TROLL1

TROLL2

TROLL3